Mıhael Shýmaher óziniń otbasyna 1 mıllıard eýro ósıet etti
ASTANA. QazAqparat - Ole basylymy 2010 jyly ataqty nemis avtoshabandozy Mıhael Shýmaher ósıet jazyp, óziniń otbasy múshelerine jyljymaıtyn múlik jáne aqsha qarajattar túrinde bir mıılard eýro qaldyrǵanyn jazǵan.
Sportshynyń óz otbasyna ósıeti boıynsha, ol qaıtys bolǵannan keıin barlyq dúnıe zaıyby Korınna Shýmaherdiń, uly Mıkonyń jáne qyzy Djına-Marııanyń arasynda teń bólinedi, dep habarlady «Aktýalnye novostı» saıty.
Eske sala keteıik, ańyzǵa aınalǵan Formýla-1 shabandozy Mıhael Shýmaher qazir Grenobl aýrýhanasy dárigerleriniń barlyq kúsh-jigerin jumsaýyna qaramastan, es-tússiz jatyr, ázirge áli oıanǵan joq. Dárigerler Mıhael Shýmaherdiń densaýlyq jaǵdaıyn aýyr, biraq ta turaqty dep baǵalaýda.
