Mıhael Shýmaher komada jatqan ýaqytynda 20 keli salmaq joǵaltty
ASTANA. QazAqparat - «Formýla-1» jarysynyń jeti dúrkin chempıony Mıhael Shýmaher komada jatqan ýaqytynda 20 kelige jýyq salmaǵyn joǵaltty. Bul týraly nemis BAQ-tary habarlady.
«Es-tússiz jatqan adam úshin salmaq joǵaltý - ol qalypty qubylys», - dedi Karlsbad gospıtaliniń koma boıynsha mamany, medıtsına professory Kýrt Dıem.
Onyń sózine qaraǵanda, qımylsyz jatqandyqtan sportshynyń bulshyq etteri jansyzdanyp qaldy. Eske sala ketsek, Frantsııadaǵy Merıbelde 2013 jylǵy 29 jeltoqsanda taý betkeıinde shańǵy teýip júrgen Shýmaher qulap, basynan aýyr jaraqattanǵan bolatyn. 3 qańtarda 45 jasqa tolǵan shabandoz sodan beri Grenobl gospıtaldarynyń birinde es-tússiz jatyr.
