Mıhael Shýmaher qaıtadan chempıon bolǵysy keledi
ASTANA. 9 naýryz. QazAqparat - "Formýla-1″ tobyndaǵy avtojarystan álemniń jeti dúrkin chempıony Mıhael Shýmaher sporttyq mártebesinde oǵan segizinshi tıtýldy ıelený múmkindigi bar ekenin moıyndaıdy.
Qyzyl baronnyń pikirinshe, ol ózi qatysyp júrgen "Mersedes Gran-prıdiń" 2011 jyly "Red Býll", "Ferrarı" jáne "Maklaren-Mersedes" sııaqty "at qoralarmen" terezesi teń básekelese alady, dep jazady Vestı.Rý.
"Meniń oıymsha, "Mersedes Gran-prı" bıylǵy jyly jeńiske qol jetkizý úshin kúresetin bolady. Maqsatqa jetý úshin ózim 100 paıyz daıyndalýdamyn. Eger oǵan múmkindik bolmasa, pılottar chempıonatynda, odan qala berdi 2011 jyly Qurastyrýshylar kýboginde kúsh synasýǵa, tipti bolmaǵanda óz armanymdy 2012 jyly oryndaýǵa barymdy salamyn", - dedi álemniń jeti dúrkin chempıony.
