Mıhael Shýmaher 45 keli salmaq joǵaltty
ASTANA. QazAqparat - Formýla-1 jarysynyń aty ańyzǵa aınalǵan shabandoz Mıhael Shýmaherdiń densaýlyq jaǵdaıy áli de aýyr.
Sheteldik BAQ-tyń habarlaýynsha, Formýla-1 jarysynyń jeti dúrkin chempıonynyń salmaǵy 45 kelige deıin tómendegen.
Shýmaherdi Grenoblde emdegen dárigerdiń aıtýynsha, tanymal sportshynyń densaýlyǵynyń az da bolsa jaqsarýy úshin kem degende úsh jyl ýaqyt qajet bolyp otyr.
Eske sala keteıik, 2013 jyldyń 29 jeltoqsanynda Shýmaher Frantsııanyń Alpi taýlarynda shańǵy teýip júrgende kúrdeli bas súıek-mı zaqymyn alǵan. Basyndaǵy shlem aıaqasty ólimnen aman qutqardy. Oqıǵa ornyna shuǵyl kelip jetken shıpajaı qyzmetkerleri sportshyny emhanaǵa jiberdi. Onda Shýmaher eki neırohırýrgııalyq otadan ótip, jasandy koma jaǵdaıyna kirgizildi.
Keıin Shýmaher aýrýhanadan shyǵarylyp, Shveıtsarııadaǵy úıine jetkizilgen soń, onda ońaltý kýrsynan ótýin jalǵastyrdy.
Qazirgi kezde Formýla-1 jarysynyń jeti dúrkin chempıony burynǵydaı tósekke tanylyp jatpaǵany jáne protsedýralar arasyndaǵy úzilis kezinde terezeniń qasynda otyratyny belgili boldy. Sondaı-aq Shýmaher týystaryn tanı bastaǵan, biraq betindegi bulshyqetterdiń semýi saldarynan sóıleý qabiletinen aıyryldy.
