Mıgranttardyń júrip-turýyn esepke alý júıesi qalaı jumys isteıdi
Búgin Úkimet otyrysynda «Ashyq Qazaqstan 500+» atty kóshi-qon saıasatynyń jańa tujyrymdamasyn tanystyrǵan Tamara Dúısenovadan Premer-Mınıstr Álıhan Smaıylov «Mıgranttardyń júrip-turýyn biryńǵaı esepke alý júıesi qalaı jumys isteıdi?» dep suraǵan bolatyn.
Saýalǵa jaýap bergen mınıstr búgingi tańda ýákiletti organdardyń aqparattyq júıeleri derbes jumys istep jatqandyǵyn atap ótti.
«Sondyqtan eń birinshi másele - osy ýákiletti organdardyń derbes aqparattyq júıelerin biriktirip, yqpaldastyrý kerek. Ekinshiden, shetelden Qazaqstanǵa kelýge nıet bildirip otyrǵan azamattar endi osy aqparattyq júıeniń mobıldi qosymshasy arqyly turǵylyqty jerinen qujattaryn jiberýge múmkindik alady. Al bizdiń eldegi ýákiletti organdar aqparattyq júıe biryńǵaı bolǵandyqtan, kelip túsken qujattardy bir jerden qarap, birlese sheshim shyǵarady. Sheteldik azamatqa oń sheshim berilip, ol elimizdiń aýmaǵyna kirgennen keıin mobıldi qosymshasyna JSN-i de, ýaqytsha turý ruqsatnamasy da birden beriledi. ıAǵnı burynǵydaı qaǵazbastylyq bolmaıdy. Bir memlekettik organnan ekinshisine barmaıdy. Qazir muny Tsıfrlyq damý mınıstrligimen birge júrgizip jatyrmyz», - dedi Tamara Dúısenova.