Mıgranttardyń fotobeınesi jyldyń úzdik sýreti atandy
ASTANA. QazAqparat - «World Press Photo» baıqaýynda afrıkalyq mıgranttardyń beıneleri úzdik fotosýret bolyp tanyldy.
Amerıkalyq fotograf Djon Stenmeıer túsirgen bul fotosýrette Djıbýtıdegi jaǵalaýda er azamattar ózderiniń uıaly telefondaryn ustap, qoldaryn aspanǵa qaraı sozǵan beınesi kórsetilgen. ıAǵnı, olar osy árketi arqyly kórshiles Somalıdegi arzan baılanys jelisine qosylýǵa talpynyp turǵan kórinedi.
«Bul ózderiniń jaqyndaryna telefon shalýǵa talpynyp turǵan qarapaıym adamdar»,-dep túsindirdi Djon Stenmeıer.
Aıta keteıik, jaqsy ómir izdegen myńdaǵan afrıkalyqtar Eýropaǵa nemese Taıaý Shyǵysqa barýǵa tyrysýda jáne olardyń kóbi osy jolda ajal qushyp jatyr.
Joǵaryda atalǵan baıqaýǵa 100 myńǵa jýyq fotosýret usynylǵan eken.
