Mıgranttar men bosqyndar máselesi Eńbek mınıstrliginiń quzyretine beriledi

NUR-SULTAN. QazAqparat – Qazaqstanda eńbek mıgratsııasy men bosqyndar máselesine qatysty suraqtar azamattyq vedomstvonyń qaraýyna beriledi. Bul týraly QR Іshki ister mınıstrliginiń ókili Shuǵyla Berikqyzy málim etti, dep habarlaıdy QazAqparat tilshisi.

«Memleket basshysy Qasym-Jomart Toqaev qazirgi ýaqytta eńbek mıgratsııasy jahandyq mańyzǵa ıe ekenin jáne ol eldiń áleýmettik-ekonomıkalyq damýymen tyǵyz baılanysty ekenin birneshe ret basa aıtty. Osy sebepten Іshki ister mınıstrliginiń eńbek mıgratsııasyn retteý fýnktsııalarynyń úshten biri QR Eńbek jáne halyqty áleýmettik qoldaý mınıstrliginiń quzyretine beriledi», - dedi Sh. Berikqyzy ІІM-de onlaın ótken baspasóz máslıhatynda.

Qazaqstanda memlekettik basqarý júıesin odan ári jetildirý sharalary týraly tıisti Jarlyqqa Memleket basshysy 19 shildede qol qoıdy.

«Kelesi jyly 1 qańtardan bastap ІІM mıgratsııalyq protsesterdi retteý jáne monıtorıngteý júıesine qarasty sharalardy ázirleýmen, vedomstvoaralyq úılestirýmen, bosqyn mártebesin berýmen jáne eńbek mıgranttaryna ruqsat berý isimen aınalyspaıdy», - deıdi ol.

Onyń aıtýynsha, atalǵan ózgerister quqyq qorǵaý júıesin reformalaý jáne ishki ister organdaryn quzyretine jatpaıtyn fýnktsııalardan bosatý sharalary aıasynda júzege asyrylmaq.

Mıgratsııa salasy zańnamanyń saqtalyp, eńbek mıgranttarynyń quqyǵyn qorǵaý úshin azamattyq vedomstvonyń qaramaǵyna berilip otyr.

«Osylaısha bizdiń mınıstrlik eldiń mıgratsııa salasyndaǵy memlekettik basqarý júıesin ońtaılandyrýdan habardar bolyp otyrady. Eńbek mıgratsııasynyń shekaradan zańsyz ótýi, zańsyz kelgen ımmıgranttardy elden shyǵarý, QR-na kelýge ruqsat berý men qujattandyrý ІІM-niń quzyretinde qala beredi», - dedi ІІM ókili.