«Mıgrant» sharasy aıasynda Almatyda zańsyz júrgen 1500 sheteldik azamat ustaldy

Onyń 1372-si Ózbekstan, Qyrǵyzstan, Tájikstan, Ázirbaıjan azamattary bolsa, 128-i - alys shetelden kelgender. Osy kúnderi polıtseıler sot sheshimimen 170 azamatty el aýmaǵynan shyǵardy, dep habarlaıdy QazAqparat qalalyq ІІD-niń baspasóz qyzmetine silteme jasap.

"Qaladaǵy bazar, qurylys nysandary, oqý oryndary men basqada mekemelerge jiti tekserý jumystary júrgizildi. Negizinen sheteldik eńbek kúshin paıdalanýshy 67 mekeme men uıym jáne sheteldikter bilim alatyn 34 bilim ordasy tekserildi. Tekserý jumystary barysynda jeke tól qujaty joq 98 TMD elderiniń azamattary tirkelinip, kóshede qaıyr suraýmen aınalysatyndar ustaldy", deıdi Almaty qalasy ІІD kóshi-qon polıtsııa basqarmasynyń bastyǵy Marat Kezembaev.

Polıtsııa qyzmetkerleri sheteldik azamattardy jumysqa tartatyn óz otandastarymyzdyń da zań buzýshylyqtarǵa jol bergendigin áshkereledi. Jeke qurylystaǵy jumys berýshilerdiń kóbi jumysshylardy taǵamdandyrý kezinde nemquraılyq tanytady eken.

«Atalmysh jedel-aldyn alý sharasy negizinde 592 tulǵa QR-nyń ákimshilik jaýapkershiligine tartyldy, onyń ishinde 487-si qujatsyz turyp jatqan azamat, 84-ti shetelden zańsyz kelgender, sonymen qatar zańsyz túrde shetel azamaty kúshin qoldanǵan 21 zań buzýshylyq aıqyndaldy.

Shetel azamattarynyń kúshin qoldanatyn árbir jumys berýshi salyq tóleýden jaltarýdy oılaǵansha kóshı-qon zannamasyn bilgeni jón. Osyndaı kelensizdikterdiń aldyn alý úshin sonǵy bes jylda profılıktıkalyq jáne túsindirme sharalary júrgizilip keledi», dep atap ótti polkovnık M.Kezembaev.

Sondaı-aq osy shara barysynda Almaty polıtseıleri asa aýyr qylmys jasap, halyqaralyq izdeýde júrgen 3 azamatty quryqtaǵan.