Mıgel Kottonyń bapkeri Golovkınniń aldaǵy jekpe-jegine qatysty pikirin aıtty
ASTANA. QazAqparat - Mıgel Kottonyń bapkeri Freddı Roýchtyń pikirinshe, Gennadıı Golovkın Davıd Lemeni 17 qazanǵa josparlanǵan kezdesýde oısyrata jeńedi, dep habarlady Sports.kz.
Roých Gennadııdi qurmetteıtinin, alaıda onyń osal tustaryn anyqtaǵanyn aıtty. Bapkerdiń pikirinshe, Golovkın myqty qarsylaspen áli kezdesken joq. Roýchtyń aıtýynsha, orta salmaqtyń myqtylary saýsaqpen sanarlyqtaı.
«Golovkın aýyr salmaqtaǵy qarsylaspen judyryqtasqanyn qalaımyn. Men onyń jekpe-jekterin kóremin. Onyń osal tustaryn baıqap qaldym. Menińshe, Golovkın Lemeni oısyrata jeńedi.
GGG - myqty boksshy. Álemdegi uly kúresker dep aıtýǵa bolatynyn ne bolmaıtynyn bilmeımin. Ol tekseristen ótse eken deımin. Kotto muny uıymdastyra alar edi. Sonda ǵana kimniń myqty ekenin kóretin edik. Ol (Golovkın) sharshy alańdaǵy jaǵdaıdy baqylaı biledi. Onymen kezdesý ońaı bola qoımas»,- dedi Roých FightHub bergen suhbatynda.
