Mıgel Kotto: «Kanelomen judyryqtasý úshin Golovkınge aqsha tólegenim ádil emes»
ASTANA. QazAqparat - Tórt salmaq dárejesi boıynsha álemniń burynǵy chempıony Mıgel Kotto tıtýldyq jekpe-jekter úshin aqshanyń tym kóp paıyzyn tóletip, ýaqytsha chempıondardy taǵaıyndaıtyn boks uıymdarynyń saıasatyna syn aıtty, dep jazady sports.kz.
Buǵan deıin Kottoǵa Gennadıı Golovkınge onymen mindetti judyryqtasýdy keıinge qaldyryp, Saýl Alvarespen kezdesý úshin aqsha tóleýine týra keldi.
«Maǵan Kanelomen judyryqtysý úshin beldik kerek emes. Árbir dıvızıonda Golovkın sııaqty tym kóp chempıon jasaıtyn uıymdarmen qazirgi kezde problemalar tym kóp. Sodan keıin maǵan Kanelomen judyryqtasý úshin oǵan 800 myń dollar tóleýime týra keldi. Bul men jáne boks úshin ádil emes.
Golovkın - WBA chempıony, bul ony WBC beldigine mindetti úmitker etip otyr. Ondaıdy buryn kórmegen edim. Onda qarjylyq múdde bar, qysqasy osy», - dep keltiredi Kottonyń sózderin Boxing Scene.
