MıG-31-diń Jaýyngerlik parad daıyndyǵyna esh qatysy joq - Áýe qorǵanysy kúshteriniń bas qolbasshysy

ASTANA. 25 sáýir. QazAqparat - MıG-31 ushaǵynyń ushýy 7 mamyrda ótetin Jaýyngerlik paradqa qatysty oryn alǵan joq.

Bul týraly búgin QR Qorǵanys mınıstrliginde ótken brıfıng barysynda QR QK Áýe qorǵanysy kúshteriniń Bas qolbasshysy, avıatsııa general-leıtenanty Aleksandr Sorokın málim etti.

Ushýlardyń Jaýyngerlik paradqa daıyndyq is-sharalaryna esh qatysy joq ekendigin aıtqan ol: «Jattyǵýlar ushý quramynyń jaýyngerlik kezekshilikti júrgizý daıyndyǵy josparyna sáıkes oryndalǵan bolatyn. Ushqyshtar kez kelgen aýa raıy jaǵdaıynda, táýilktiń kel kelgen ýaqytynda jaýyngerlik tapsyrmalardy oryndaýǵa daıyn bolýy kerek», - dedi.

Bas qolbasshynyń atap ótýinshe, ekıpaj kez kelgen aýa raıy jaǵdaıynda kúni-túni ushýǵa daǵdylanǵan. Olardyń ushý elementteriniń barlyq jattyǵýlaryn oryndaýǵa ruqsaty bar.