Mıdan basqasynyń bárin qoldan jasaıtyn shyǵarmyz - ıÝrıı Pıa
ASTANA. QazAqparat - QR Ulttyq kardıoxırýrgııa ortalyǵynyń basshysy ıÝrıı Pıanyń oıynsha, bolashaqta mıdan basqa adam aǵzasynyń bári qoldan jasalady. Sol kezde donor máselesi de sheshiledi. Dáriger osy oıyn búgin jasandy júrek ımplantatsııasyna arnalǵan baspasóz máslıxatynda aıtty, dep xabarlaıdy QazAqparat tilshisi.
«Máselen, qazirgi jasandy júrek apparattarynda bıotexnologııalar qoldanylady. Іshindegi sorǵy qandy aınaldyryp, bıologııalyq membranany iske qosady. Jańaǵy membrana kádimgideı adam aǵzasy sııaqty, qannyń quramyna da áser etpeıdi. Qan sol kúıinde qalady. Bul - úlken jetistik. Sebebi membrananyń ishinde taǵy qosymsha datchıkter ornatylǵan. Ol datchıkter adamnyń dene belsendiligin ǵana emes, emotsııalyq jaı-kúıin anyqtap, júrek qaǵysyn rettep otyrady. Adam qobaljysa, jasandy júrek qatty soǵady. Menińshe, aldaǵy ýaqytta mıdan basqasynyń bári qoldan jasalady», - deıdi Pıa.
Óz sózinde ortalyq basshysy elimizdegi zańnamanyń, atap aıtqanda, ozyq texnologııalardy engizýge arnalǵan normalardyń otandyq medıtsına úshin yńǵaıly ári paıdaly bolyp jatqanyn jetkizdi. «Qazirgi kezde jasandy júrek ımplantatsııasy salasynda báseke qyzyp tur. Aýstrııa, Nıderlandy, Chexııa, Germanııa - bári-bári ondaı otalardy ózderinde jasaýǵa tyrysady. Biz de qalyspaı kelemiz. Osy oraıda memleketimizdiń ozyq texnologııalardy engizýge degen yntasyn, soǵan qaraı zańnamany da beıimdeýge degen qulshynysyn erekshe atap ótken jón. Sonyń arqasynda biz birinshi bolyp ruqsat alyp, jasandy júrek ımplantatsııasy boıynsha xalyqaralyq zertteýge qatysyp otyrmyz», - dep atap kórsetti ıÝrıı Pıa.
Aıta keteıik, búgin Ulttyq kardıoxırýrgııa ortalyǵy elimizde alǵash ret adamǵa jasandy júrek ımplantatsııasynyń jasalǵanyn jarııalady. Baspasóz máslıxaty kezinde jýrnalıster 60 jastaǵy patsıent Qunanbaı Abyraevpen de kezdesti.
