«Mıtsýbısı Motors» Azıada-2011 Alaý estafetasynyń resmı áriptesi mártebesine ıe boldy
STANA. Shildeniń 19-y. QazAqparat /Murat Jákeev/ - «Mıtsýbısı Motors» japon kompanııasy QR barlyq aımaqtarynda ótkiziletin Azıada-2011 Alaý estafetasynyń resmı áriptesi mártebesine ıe boldy. Áriptestik kelisimge qol qoıý saltanatty sharasy búgin Astana qalasynda «Qazaqstan - Reseı - Fınlıandııa» avtosherýiniń bastalýy kezinde ótti.
«Búgin biz kólik jasaýdyń álemdik kóshbasshylarynyń biri - «Mıtsýbısı» kompanııasymen áriptestik týraly kelisimge otyrdyq. Osy kompanııanyń kólikteri avtosherý bolyp Qazaqstannyń barlyq aımaqtaryn qamtıtyn eleýli jobalardyń biri - Azıada-2011 Alaý estafetasynda erip júredi», - dep atap ótti 7-shi Qysqy Azııa oıyndarynyń Alaý estafetasy astanalyq dırektsııasynyń dırektory Naıl Nýrov.
