Microsoft Japonııada jasandy ıntellekt pen saqtaý qyzmetine 10 mlrd dollar bóledi
ASTANA. KAZINFORM – Microsoft korporatsııasy Japonııadaǵy eń iri ınvestıtsııalyq josparyn jarııalady. Kompanııa 2029 jylǵa deıin 1,6 trln ıen, ıaǵnı 10 mlrd dollar kóleminde qarjy quıady, dep habarlaıdy Kyodo agenttigi.
Qarajat jasandy ıntellekt ınfraqurylymyn, bultty esepteýlerdi, kıberqaýipsizdikti nyǵaıtýǵa jáne kadrlardy damytýǵa baǵyttalady. Kompanııa Japonııaǵa aldaǵy tórt jyl ishinde, 2029 jylǵa deıin ınvestıtsııa salýdy josparlap otyr.
Microsoft vıtse-tóraǵasy Bred Smıt Japonııanyń premer-mınıstri Sanae Takaıchıge kompanııanyń SoftBank Group jáne saqtaý qyzmetteri provaıderi Sakura Internet-pen kúsh biriktiretinin málimdedi.
Tehnıkalyq ınfraqurylymdy jańǵyrtýmen qatar, ınvestıtsııa mamandar daıarlaýǵa jáne kıberqaýipsizdikti kúsheıtýge de jumsalady. Óz kezeginde premer-mınıstr Sanae Takaıchı bul jobanyń Japonııanyń derekter egemendigi úshin mańyzyn atap ótti.
Aıta ketiherligi, bul – Microsoft kompanııasynyń eldegi eń iri ınvestıtsııalyq jospary. 2024 jyly korporatsııa data-ortalyqtar men saqtaý servısterin damytýǵa 2,9 mlrd dollar ınvestıtsııa salǵan.
Eske sala keteıik, 2026 jyldyń qańtarynda Microsoft data-ortalyqtardyń jumysyn únemdirek etýge arnalǵan jasandy ıntellekt chıpin jáne GPT-5.2 nusqasyn tanystyrǵan edi.
Sondaı-aq Microsoft AI-chıp óndirýde Amazon men Google-dan basym túse bastady.
Byltyr Microsoft Windows 10 júıesin qoldaýdy toqtatyp, jańa qaýipsizdik jaqsartýlary bar Windows 11 nusqasyn shyǵardy.
