Microsoft: Windows-tyń sońǵy nusqasy Windows 10 bolmaq
ASTANA. QazAqparat - Microsoft korporatsııasynyń Windows operatsııalyq júıesiniń sońǵy nusqasy onyń 10-shy nusqasy bolmaq.
Microsoft-tiń jańa ázirlemeleriniń jetekshisi Djerrı Nıkson osy jazda shyǵarylady dep kútiletin Windows 10 paıda bolǵannan keıin operatsııalyq júıe turaqty negizde jańartylyp otyratynyn, alaıda Windows-tyń jańa nusqasy bolmaıtynyn málim etti. Málimdemede Windows 10 nusqasy júıeniń sońǵy derbes nusqasy bolatyny aıtylady. Kompanııa ázirge Windows-tyń ornyna qoldanylatyn jańa júıeniń qalaı atalatyny jaıly sheshim qabyldamady. Sonymen, Gartner kompanııasynyń vıtse-prezıdenti Stıv Kleınhans Windows 11 júıesiniń jasalmaıtynyn aıtty.
