Microsoft-tyń jańa planshetteri satylymǵa Jańa jyl qarsańynda túsedi
ASTANA. QazAqparat - Microsoft kompanııasy Surface Mini jáne Surface 3 RT jańa planshetterin jyl sońyna deıin jurtshylyqqa usynbaq, dep habarlaıdy TK Tech News.
Aty aıtyp turǵandaı, Surface Mini Windows 8.1-ge negizdelgen jınaqy planshet túrinde bolmaq. Onyń dıspleıiniń dıagonali 7,5 dıýımdi quraıdy. Alaıda onda Windows-tyń tolyqqandy platformasy men Windows RT mobıldik nusqasynyń qaısysy paıdalanylatyny ázirge belgisiz.
Al Surface 3 RT qazirgi Surface Pro 3-tiń qarapaıymdandyrylǵan nusqasy bolmaq. Onyń dıspleıi - 10 dıýım, OS mobıldik nusqasymen jumys jasaıdy. Jańa ónimder satylymǵa Jańa jyldyń aldynda shyǵarylady.
