Microsoft tórt kúndik jumys aptasynyń tıimdiligin dáleldedi
NUR-SULTAN. QazAqparat - Microsoft kompanııasynyń Japonııadaǵy bólimshesi qyzmetkerlerin tórt kúndik jumys aptasyna aýystyryp, tájirıbe jasap kórdi. Olar osy ýaqyt aralyǵynda byltyrǵy jylmen salystyrǵanda satylym 40 paıyzǵa óskenin anyqtady, dep jazady VVS.
Basylymnyń habarlaýynsha, kompanııa qyzmetkerleri juma kúni de demalǵan. Qyzmetkerler bir aı boıy osylaı jumys istegen jáne olardyń 92 paıyzy bul tártipti qoldaıtyndaryn jetkizgen.
«Tájirıbege qatysqandar kezdesýlerdi azaıtqan, onlaın qarym-qatynasqa kóshken. Sonymen qatar, elektr energııasyn tutynýdy 23,1 paıyzǵa azaıtsa, burynǵydan 58,7 paıyzǵa az qaǵaz shyǵarǵan. Osylaısha bes kúndik jumys aptasyna qaraǵanda tıimdilik 16 paıyzǵa artqan» dep jazady avtor.
Onyń aıtýynsha, qyzmetkerler tórt kúndik jumys aptasy júıesin áli tolyq túsine almaı júr.
Sońǵy kezderi tórt kúndik jumys aptasy týraly jıi aıtylyp júrgenimen, oǵan qarsy tarap ta bar. Mysaly, Alibaba kompanııasynyń basshysy Djek Ma 12 saǵattyq jumys aptasyn qoldaıtynyn aıtty. Bıyl sáýir aıynda ol qyzmetkerler aptasyna alty kún saǵat 09:00-den 21:00-ge deıin jumys isteý kerek ekenin, ıaǵnı «996» modeliniń durys ekenin aıtqan edi.
