Microsoft-tiń negizin salýshy Tynyq muhıtyndaǵy aralyn satady
ASTANA. 31 tamyz. QazAqparat - Microsoft korporatsııasynyń negizin salýshylardyń biri Pol Allen Tynyq muhıtyndaǵy aralyn satýǵa qoıdy. Businessinsider portaly habarlaǵandaı, nysan 13,5 mln dollarǵa baǵalanýda.
Kólemi 118-ge jýyq gektardy quraıtyn aral Vashıngton shtatynyń jaǵalaýyna jaqyn mańdaǵy AQSh-tyń soltústik-batysynda ornalasqan. Aralǵa teńizben de, áýe jolymen de jetýge bolady. Sonymen birge onda baqylaýshynyń bórene úıinen basqa qurylys júrgizilmegen.
Portaldyń deregine qaraǵanda, Allen araldy 1992 jyly satyp alǵan. Buǵan deıin de ol bul jyljymaıtyn múlikti satqysy kelgen. 2005 jyly bıznesmen araldy 25 mln. dollarǵa satýǵa shyǵardy, degenmen satyp alýshy tabylmady.
Pol Allen 1975 jyly Bıll Geıtspen birlesip Microsoft kompanııasyn qurdy. Densaýlyǵyna baılanysty 1983 jyly kompanııadan ketedi. Sonymen birge ol korporatsııanyń iri paket aktsııalaryn saqtap qalyp, álemdegi eń baı adamdardyń qataryna engen.
