Microsoft: Reseı hakerleri WADA kompıýterlerine shabýyl jasady

NUR-SULTAN. QazAqparat - Reseı hakerleri eń keminde 16 ulttyq jáne halyqaralyq sport uıymdarynyń, sonymen qatar dopıngke qarsy agenttikterdiń kompıýterlerine shabýyl jasady. Bul týraly Microsoft kompanııasyna silteme jasap The New York Times jazady.

Microsoft kompanııasy ókilderiniń málimetinshe, reseılik hakerler WADA dopıng-test nátıjeleri boıynsha Reseı jańa jazaǵa tartylýy múmkin ekenin habarlaǵannan birneshe kún buryn shabýyldy bastaǵan.

Kompanııa ınternet-shabýyldardy Reseı qoldap otyrǵan hakerler toby jasap jatqanyn anyqtaǵan. Microsoft kıbershabýyl qurbandaryn atamady. Degenmen, keıbir talpynystar sátti júzege asyrylǵanyn habarlady.