Microsoft-pen jasalǵan mámileden keıin Nokia aktsııasy 47%-ǵa ósti
ASTANA. 4 qyrkúıek. QazAqparat - Fınlıandııalyq uıaly telefondardy óndirýshi Nokia kompanııasynyń aktsııasy seısenbi, 3 qyrkúıekte, saýda-sattyqtyń ashylýynda 47%-ǵa qymbattady, dep habarlaıdy Halyqtyq IPO saıtynyń resmı saıty.
Bul Microsoft kompanııasymen mámile jasaldy degen habardan keıin oryn aldy.
Nokia aktsııalary 4,36 eýroǵa deıin ósti, alaıda kúni keshe ǵana, 2 qyrkúıekte, onyń bir baǵaly qaǵazy 3 eýrodan tómenge satylǵan edi. Qarjy kompanııasy úshin baǵamynyń osyndaı ósimi rekordty bolyp tabylady.
Belgili bolǵanyndaı, Microsoft kompanııasy Nokia-dan 7,17 mlrd. dollarǵa úıaly telefondardy óndirý bıznesin satyp alady. Kompanııa uıaly telefondar men smartfondar óndirý jónindegi Nokia-nyń osy bıznesine 3,79 mlrd eýro, sondaı-aq Nokia patenti úshin 1,65 mlrd. eýro (aǵymdaǵy baǵam boıynsha soma - 7,17 mlrd dollardy quraıdy) tóleıdi. Microsoft-pen jasalǵan mámile 2014 jyldyń birinshi toqsanynda jabylady dep kútilýde.
