Microsoft paıdalanýshylaryn eski operatsııalyq júıeni Windows 10-ǵa jańartýǵa májbúrlep otyr
ASTANA. QazAqparat - Microsoft kompanııasy 7 jáne 8 Windows paıdalanýshylaryn jańa Windows 10 operatsııalyq júıesine (OJ) qosý úshin talpynysyn toqtatar emes. Áýeli Windows 7 nusqasyn paıdalanatyn derbes kompıýter (DK) men noýtbýk ıelerine kompanııa jańa Windows 10 nusqasyn qaı jerde tegin júktep alýǵa bolatyny aıtylǵan habarlama taratqan.
Alaıda dıalog terezesinde paıdalanýshy osy operatsııaǵa keliskennen keıin Windows 10-ǵa jańartýdy belgili bir merzim ishinde ǵana oryndaı alatyny aıtylady. Odan ári paıdalanýshyǵa «qazir jańartý» nemese «túnde jańartý» degen eki nusqa usynylady. Bul rette «bas tartý» nemese «elemeý» degen optsııalar joq. Tek oń jaq joǵarǵy buryshtaǵy qyzyl belgini basyp qana terezeni jaba alasyz. Munymen de qutylmaısyń, tereze ekranda qaıta-qaıta paıda bola beredi.
Budan buryn Windows-tyń 7 jáne 8-nusqalarynyń paıdalanýshylary jańartýdy qabyldaǵannan keıin habarlamasyz kompıýterlerge onynshy nusqany ornatý úshin talap etilgen óte kóp faıldar júktele bastaǵanyn habarlanǵan. Budan basqa, bul jańartýda DK ıeleri týraly derekterdi jınaıtyn fýnktsııa bolǵan, dep habarlaıdy planet-today.ru.
