Microsoft óziniń alǵashqy planshetin usyndy
ASTANA. 20 maýsym. QazAqparat - Microsoft basshysy Stıv Balmer Los-Andjeleste iPad-qa básekeles bolýy tıis kompanııanyń alǵashqy planshetin tanystyrdy.
Apple-diń ónimderi sııaqty Surface planshetiniń eki úlgisi Windows RT jáne Windows 8 Pro jeke operatsııalyq júıeler bazasynda jumys isteıtin bolady, dep habarlaıdy Life News.
Eni 9,3 mm jáne salmaǵy 676 gr Windows RT júıesi bar úlginiń dıagonali 10,6 dıýım nemese 26,9 sm ekrany bar. Planshetke sandyq qalamsaptyń kómegimen jazýǵa bolady.
Ekinshi úlginiń de dıagonali 26,9 sm, al eni - 13,5 mm, salmaǵy - 903 gr.
Qurylǵyǵa klavıatýranyń rólin atqaratyn Touch Cover jáne Touch Type magnıtti muqabasy qaptalǵan. Surface úshin sondaı-aq fılm kórýge yńǵaıly jartylaı ıiletin arnaıy úıkek ázirlengen.
Alǵashqy úlgi AQSh-ta Windows 8 iske qosylǵan ýaqytta saýdaǵa shyǵarylmaq. Al ekinshisi 90 kúnnen keıin qoljetimdi bolady.
bnews.kz
