Microsoft: Nokia-dan qutylatyn kez keldi
ASTANA. QazAqparat - Kezinde fınderdiń ataǵyn jer-jahanǵa jaıǵan Nokia brendi kimge satylady?
Sońǵy kelip jetken aqparatqa sáıkes, Fınlıandııanyń eń ataqty brendin Qytaıdyń elektronıka alyby Foxconn zaýyty satyp alatyn boldy. Jalpy qalta telefony naryǵynda bul fın brendiniń osydan on jyldaı ýaqyt buryn básekelesi bolmady.
Alaıda sol kezderden beri shyqqan smartfondar fınniń tanymal ónimin shetke yǵystyryp, aqyry 2013 jyly Nokia-ny Microsoft satyp aldy. Negizin Bıll Geıts qalaǵan kompanııa shyǵarǵan Lumia smartfony da jaǵdaıdy túzete almady. Sebebi Windows Phone platformasy Android jáne iOS júıelerinen artta qalyp, shań qapty.
Atalǵan sebepterdiń barlyǵyna baılanysty Microsoft kompanııasy Nokia brendimen smartfon shyǵarý quqyǵyn Qytaıdyń Foxconn zaýytyna satýdy uıǵardy, dep habarlaıdy iphones.ru-ǵa siltememen 24.kz.
