Microsoft Nokia-daǵy 9 myńǵa jýyq qyzmetkerin qysqartpaq
ASTANA. QazAqparat - Álemdegi eń iri ІT kompanııa Microsoft Corp. jaqynda satyp alǵan Nokia kompanııasyndaǵy 9 myńǵa jýyq qyzmetkerin qysqartýdy josparlap otyr, dep jazady MarketWatch agenttigi.
Kompanııa sondaı-aq Beıjińdegi jáne ońtústik-shyǵystaǵy Dýngýan qalasyndaǵy birneshe zaýytty jaýyp tastaýdy kózdeýde. Óndiristik jabdyqtardyń bir bóligi Vetnamǵa bıylǵy jylǵy naýryz aıynyń sońyna qaraı jetkiziledi.
Qyzmetkerler sanyn qysqartý shyǵyndardy qysqartý baǵdarlamasynyń bóligi bolyp tabylady, atap aıtqanda 18 myń qyzmetker jumystan shyǵarylady, sonyń ishinde 12 myńnan astamy - Nokia Devices and Services smartfondarynyń óndirisi bólimshesiniń qyzmetkerleri bolyp tabylady.
Esterińizge sala keteıik, Microsoft Nokia mobıldik bólimshesin 7,18 mıllıard dollarǵa satyp alǵan, bul somaǵa Nokia patentterin qamtıtyn 2,13 mıllıard dollar da kirgen. Kelisimniń talaptary boıynsha, Microsoft-qa Nokia-nyń 50 elde ornalasqan 130-dan astam bólimshesiniń qyzmetkerleri ótýi tıis bolǵan. Jalpy alǵanda, kompanııanyń shtaty 25 myń adamǵa kóbeıip, barlyǵy 127 myń qyzmetkerdi qurady.
