Microsoft korporatsııasy 9 myń qyzmetkerin jumystan bosatady

ASTANA. KAZINFORM – Microsoft korporatsııasy bıylǵy ekinshi qysqartý tolqynynda 9 myń qyzmetkerin jumystan bosatady, dep habarlaıdy  Report. 

Kompanııa ókiliniń aıtýynsha, mundaı ózgerister «naryqta kompanııanyń ornyn barynsha tıimdi etý úshin qajet».

Eske sala keteıik, bıylǵy birinshi qysqartý tolqyny 2025 jylǵy mamyrda ótti, ol kezde keminde 6 myń qyzmetker jumystan shyǵarylǵan. Al maýsym aıynda taǵy 300 adam jumystan ketti.

Associated Press agenttiginiń málimetinshe, 2024 jyly Microsoft kompanııasynyń qyzmetkerler sany shamamen 228 myń adam bolǵan. Olardyń shamamen 55 paıyzy AQSh-ta jumys istegen.

Aıta keteıik, buǵan deıin Amazon bas dırektory Endı Djessı kompanııanyń jumys protsesterine jasandy ıntellekt tehnologııasyn engizgendikten, aldaǵy birneshe jylda qyzmetkerlerin qysqartatynyn málimdegenin jazdyq.