Microsoft korporatsııasy kompıýterlik qaýipsizdiktiń jyl saıynǵy ındeksin jarııalady
ALMATY. 11 aqpan. QazAqparat - Endi úıdegi jáne uıaly qurylǵylardaǵy jeke málimetti qorǵaýǵa úlken kúsh salý qajet. Bul týraly Microsoft korporatsııasy bıyl ekinshi jyl qatarynan ótkizip otyrǵan Kompıýterlik qaýipsizdik ındeksi (KQI) jahandyq saýalnamasynda anyqtaldy.
Saýalnama nátıjelerine qaraǵanda, búkil álemdegi qoldanýshylardyń jartysynan kóbi (55%) san alýan onlaın-qaýipterge tap bolatynyn jáne tek olardyń 16%-y ǵana óziniń qaýipsizdigin qorǵaý úshin belsendi áreketter qabyldaıdy eken. Qoldanýshylardyń jartysynan azy (42%) ózderiniń derbes kompıýterlerindegi baǵdarlamalyq qamsyzdandyrýyn jáne tek 28 paıyzy ǵana uıaly qurylǵylaryndaǵy baǵdarlamalyq qamsyzdandyrýyn turaqty túrde jańartyp turady. ıAǵnı, qalǵan qoldanýshylar ózderine tóngen qaýipter sanyn osylaısha birneshe ese arttyryp otyr.
«Derbes kompıýterlerimizge qaraǵanda bizdiń uıaly qurylǵylarymyzda jıi asa mańyzdy aqparat saqtalatyny jasyryn emes. Bul kóbine bizdiń uıaly qurylǵylardy qyzmet babymen qoldanatynymyzben baılanysty. Osynyń barlyǵy málimetterdi urlaý turǵysynan alǵanda, mundaı qurylǵylardy asa tartymdy ete túsedi. Kompıýterlik qaýipsizdik ındeksiniń sońǵy nátıjeleri ınternettegi qaýipsiz áreketter daǵdysynyń qanshalyqty mańyzdy ekenin kórneki túrde kórsetip otyr. Búgingi tehnologııalar onlaın-alaıaqtyq pen basqa da qylmys túrleriniń qurbanyna aınalý qaýpinen saqtaıdy. Árbir adam ózin qorǵaýdyń qoljetimdi quraldaryn qalaı qoldaný kerektigin bilýi qajet», - deıdi Microsoft korporatsııasynyń qyzmetkeri Arystan Joldasbekov. Onyń aıtýynsha, KQI 20 el men aımaqtaǵy derbes kompıýterler, planshetter men smartfondardyń 10 myńnan asa qoldanýshylarynan alynǵan saýalnama nátıjesinde qalyptastyryldy. Saýalnamaǵa jaýap bergenderdiń 47 paıyzyn túrli akkaýntterdiń parolderi men aqparattardyń urlaný qaýpi tolǵandyrady. Qoldanýshylardyń 33 paıyzy qaýipsiz veb-saıttarǵa kiretinin aıtady, al 28 paıyzy qoǵamdyq oryndardaǵy Wi-Fi jelilerine ózderiniń uıaly qurylǵylaryn qosýdan bas tartady eken. 48 paıyzyn óz kompıýterine vırýs juqtyryp alý qaýpi tolǵandyrady, osy rette qoldanýshylardyń 53 paıyzy vırýsqa qarsy baǵdarlamalardy ornatady. Al jeke aqparattyń urlaný qaýpi saýalnamaǵa jaýap bergenderdiń 45 paıyzyn tolǵandyrady, alaıda 34 paıyzy ǵana ózderiniń uıaly telefondaryna PIN-kodtar qoıady. Qoldanýshylardyń 38 paıyzy ǵana jeke málimetterdiń urlanýyn aldyn alýǵa arnalǵan sońǵy ázirlemelerdi ıgergenmin dep esepteıdi.
