«Microsoft» korporatsııasy «Android» platformasynda alǵashqy telefonyn shyǵarýda
ASTANA. QazAqparat - «Microsoft» korporatsııasy «Nokia» kompanııasynyń bólimshesin satyp alǵannan keıingi shyǵarylǵan birinshi telefonyn tanystyrdy.
Jańa smartfon «Android» platformasy negizinde jumys isteıdi.
Negizinen «Google» damytyp jatqan «Android» operatsııalyq júıesi «Windows Phone OS» básekelesi retinde qarastyrylýda jáne ony osy kúnge deıin «Microsoft» paıdalanyp keldi.
«Microsoft» korporatsııasynyń málimdeýinshe, Nokia X2 tutynýshylardy óziniń «bultty» qyzmetterimen jaýlap alady. Olardyń keıbiri telefonǵa qosymsha retinde ornatylǵan kórinedi.
Shilde aıynda telefon satylymǵa shyǵarylǵannan keıin onyń quny 99 eýro kóleminde belgilenbek.
«Microsoft» tarapy «Nokia» kompanııasynyń uıaly telefondar bólimshesin óz qaramaǵyna ótkizý sharalaryn 25 sáýirde aıaqtaǵan bolatyn. Bul kelisimsharttyń quny 5,4 mlrd. eýroǵa baǵalandy.
