Microsoft kompanııasynyń tabysy 7 paıyzǵa tómendedi
ASTANA. QazAqparat - 2014 jyldyń sáýir-maýsym aılarynda Microsoft tabysy 7 paıyzǵa, naqtyraq aıtqanda 4,6 mıllıard dollarǵa deıin tústi. Alaıda, 30 maýsymda aıaqtalǵan qarjy jylynyń qorytyndysy boıynsha kompanııa kirisi 22 mıllıard dollarǵa kóterilgen. Bul týraly Microsoft-tyń qarjy esebinde aıtyldy, dep habarlady sheteldik BAQ.
Aktsııamen eseptegendegi toqsandyq tabys 0,55 dollarǵa deıin tómendese, qarjy jylynyń qorytyndysy boıynsha 2 paıyzǵa, ıaǵnı 2,63 dollarǵa deıin ósken. Toqsandaǵy tabystyń azaıýy Nokia mobıldi qurylǵylar men qyzmet kórsetý bıznesin satyp alý sharttarynyń toqtaýyna baılanysty, delingen habarlamada.
