Microsoft kompanııasy Nokia-nyń uıaly telefon óndirisi boıynsha bólimshesin 7,2 mlrd. AQSh dollaryna satyp alady
ASTANA. 4 qyrkúıek. QazAqparat - Amerıkalyq Microsoft kompanııasy uıaly telefon óndirisi boıynsha fındik Nokia kompanııasynyń bıznesiniń bóligin 5,4 mlrd. eýroǵa (7,2 mlrd. AQSh dollary) satyp alady. Bul týraly Bı-Bı-Sı habarlady.
2011 jylǵa deıin atalǵan kompanııa uıaly telefondar naryǵynda kóshbasshy bolǵan edi, alaıda, sońǵy birneshe jyldan beri Samsung jáne Apple ónimderinen qalys keledi.
Kelisimshart talaptaryna sáıkes, Microsoft Nokia kompanııasynyń patentterin paıdalaný men mobıldik qurylǵylardy shyǵarý quqyǵyna ıe bolady.
Bul aqparat taraǵannan keıin, Nokia aktsııalarynyń quny 40 paıyzdan astam deńgeıge joǵarylaǵan eken.
