Microsoft kompanııasy Hotmail poshtalyq servısin jabady
ASTANA. 20 aqpan. QazAqparat - 1996 jyldan beri paıdalanylyp kele jatqan Hotmail poshtalyq servısi jabylady. Bul týraly oǵan ıelik etetin Microsoft kompanııasy resmı málimdeme jasady, dep habarlaıdy RBK.
Buǵan sebep: outlook.com servısine degen qyzyǵýshylyqtyń artýy. Bul poshtada sońǵy jarty jyldyń ishinde 60 mıllıon adam tirkelgen.
Kompanııanyń aıtýynsha, Hotmail poshtasyn paıdalanýshylar eski adresterin outlook.com-da qoldana alady.
Sarapshylardyń pikirinshe, Microsoft osy ózgerister arqyly óziniń basty básekelesi - Gmail-di basyp ozbaqshy.
