Microsoft Qazaqstan kompanııasy múmkindigi joǵary Office 2010, SharePoint 2010, Visio 2010 jáne Project 2010 baǵdarlamalaryn jaryqqa shyǵardy
ALMATY. Mamyrdyń 27-si. QazAqparat /Ádilet Musahaev/ - Búgin Almatyda Microsoft Qazaqstan kompanııasy sońǵy shyqqan baǵdarlamalarynyń múmkindikterimen tanystyryp, semınar ótkizdi,
dep habarlaıdy QazAqparat.
Atalmysh kompanııanyń keńselik qosymsha bıznes-tobynyń basshysy Vıktor Dýbovtsev baǵdarlamalardyń bul nusqasynda birneshe qyzmetker bir mezgilde jazba kitapshasyn jańarta alatyndyǵyn jáne oǵan jalpy qol jetkize alatyndyǵyn aıtady. «Jumys tobynyń árbir qatysýshysy qujatpen jumys isteıtin jelige qosylǵan paıdalanýshylardyń tizimin qaraı alady jáne olarmen naqty ýaqyt rejıminde sóılesý múmkindigi bar. Qaraý barysy qolaıly bolý úshin barlyq ózgerister janyp turady», deıdi V.Dýbovtsev.
Baǵdarlamalardyń bul nusqasy jaryq kórgendigi aǵymdaǵy jyldyń 12-shi mamyrynda jarııalanǵan.
Sondaı-aq V.Dýbovtsev qazirgi ýaqytta Office 2010 ónimi 14 tilde shyqqandyǵyn jáne jaqyn aralyqta 94 tildegi nusqasy jaryq kóretindigin jetkizdi. Sonymen qatar qazaq tilindegi nusqasyna da qol jetkizetindigin aıtty.
Semınarǵa ІT-mamandary, bólimshe basshylary jáne MicrosoftOffice ónimin paıdalanýshylar qatysyp, jańadan shyqqan ónimniń múmkindikterimen tanysyp, ózderin qyzyqtyrǵan suraqtaryn qoıyp jatty.
