Microsoft Bıll Geıtstiń otstavkaǵa ketkenin jarııalady
ASTANA. QazAqparat - Microsoft kompanııasy búgin kompanııanyń negizin qalaǵan Bıll Geıts dırektorlar keńesiniń tóraǵasy qyzmetinen ketkenin málimdedi.
Budan keıin ol tehnologııalyq máseleler boıynsha kompanııa keńesshisi bolmaq. Oǵan qosa, dırektorlar keńesiniń múshesi bolyp qala beredi. Alyp kompanııany endi Satıa Nadella basqaratyny jarııalandy. 46 jastaǵy Úndistan eliniń týmasy «Maıkrosoftta» 22 jyl eńbek etken. Sońǵy jyldary birqatar basshylyq qyzmetterdi atqarǵan.
