Microsoft 4800 qyzmetkerin qysqartady
ASTANA. KAZINFORM — Amerıkalyq Microsoft shamamen 4800 qyzmetkerin qysqartatynyn málimdedi, dep habarlaıdy DW.
Bul kompanııadaǵy jalpy qyzmetkerler sanynyń shamamen 2,1 paıyzyna teń.
Kompanııanyń kadr máseleleri jónindegi dırektory qyzmetkerlerge joldaǵan qyzmettik jazbasynda jasandy ıntellekt keıbir mindetterdi avtomattandyrý arqyly jumys tásilin ózgertip jatqanyn, alaıda qazirgi qysqartýlardyń oǵan tikeleı qatysy joq ekenin atap ótti.
— Búgin qysqartylyp jatqan jumys oryndarynyń ornyn jasandy ıntellekt almastyrmaıdy. Degenmen jasandy ıntellekt jumys isteý tásilin ózgertip jatqany ras, — dedi ol.
Agenttik málimetinshe, Microsoft ádette jańa qarjy jylyna arnalǵan shyǵys josparyn qalyptastyrý aıasynda maýsym aıynda aıaqtalatyn qarjy jylynyń sońyna qaraı qyzmetkerler sanyn ońtaılandyrady.
6 shildedegi jaǵdaı boıynsha Microsoft aktsııalarynyń quny 1,5 paıyzdan astam tómendedi.
Aıta ketelik Microsoft Japonııada jasandy ıntellekt pen saqtaý qyzmetine 10 mlrd dollar bóletini týraly jazǵan edik.
