Mıchıganda 40-qa jýyq kólik soqtyǵysty
ASTANA. QazAqparat - Amerıkanyń Mıchıgan shtatyndaǵy kúre joldardyń birinde aýa raıynyń qolaısyzdyǵynan 40-qa jýyq avtokólik soqtyǵysyp qaldy.
Saldarynan kem degende úsh adam mert boldy, dep habarlaıdy QazAqparat.
TASS agenttigi Fox News-qa silteme jasap jazýynsha, jol-kólik apaty Lıvıngston okrýginde oryn aldy. Quqyq qorǵaý organdary oqıǵaǵa qar, kóktaıǵaq pen kórý múmkindiginiń nasharlyǵy sebep bolǵanyn aıtqan.
Jappaı jol apatynan keıin bılik organdary tas joldy japty. Oqıǵa ornynda qutqarýshylar men apattyq qyzmetter jumys isteýde.
