Mıchıgan shtatynda ǵaryshtyq nysannyń jarylysy turǵyndardy shoshytty
ASTANA. QazAqparat - Mıchıgan shtatyna qulaǵan meteor Jer atmosferasynyń tyǵyz qabatyna engen kezde shashyrap bólinip ketti. Onyń jarylysy trotıldik ólshemmen 100 tonnany qurady, dep habarlaıdy TASS.
Hantsvıldegi (Alabama shtaty) NASA ortalyǵynyń meteorıtter basqarmasynyń habarlaýynsha, ǵaryshtyq deneniń qulaý traktorııasyn kýágerlerdiń vızýaldyq baqylaýlary negizinde anyqtaǵan.
«Bizdiń sarapshylar da osyndaı qorytyndy jasady. Esepke sáıkes meteordyń qulaý jyldamdyǵy sondaı qatty bolmaǵan - bary-joǵy saǵatyna 45,06 myń shaqyrym. Osyǵan baılanysty ǵaryshtyq deneniń bólshektenip ketpeı turyp atmosfera qabatyna tereń engenin baıqaımyz»,-dep jazdy AQSh ǵarysh vedomstvosynyń bólimi óziniń Facebook paraqshasyna.
NASA qyzmetkeri Bıll Kýk, trotıldik ólshemmen 100 tonnany quraıtyn qýattylyǵy bar jarylys tolqyny Mıchıgannyń ońtústik-shyǵysyndaǵy turǵyndardy qatty qorqytqanyn aıtady.
«Ádette otty sharlar jerge meteorıt retinde tógiledi, soqqy tolqyny joǵary shyqqanda, jerdi de sál dirildetip jiberedi»,-deıdi Kýk.
