Mıchıgan shtatyndaǵy shirkeýdegi atystan 4 adam qaza tapty
ASTANA. KAZINFORM — Grand-Blank qalasyndaǵy shirkeýde bolǵan atys pen órt saldarynan 8 adam zardap shekti, dep habarlaıdy Aljazeera.
Polıtsııa shirkeýde oq jaýdyrǵan qylmyskerdi atyp óltirdi. Keıin kúdiktiniń aty-jóni anyqtaldy.
Grand-Blank polıtsııasynyń basshysy Ýılıam Regnıerdiń aıtýynsha, kúdikti kórshiles Berton qalasynyń 40 jastaǵy turǵyny Tomas Djeıkob Sanford. Ol oqıǵa ornyna kelgen polıtsııa qyzmetkerleri atqan oqtan qaıtys bolǵan.
Polıtsııa basshysy oq jaýdyrǵan kúdiktiniń úıinde tintý júrgiziletinin jáne tergeýshilerge qylmystyń sebebin anyqtaýǵa kómektesý úshin telefon jazbalary qaralatynyn habarlady.
AQSh polıtsııasynyń málimdeýinshe, qylmyskerdiń oǵynan 4 adam qaza taýyp, 8 adam jaralanǵan.
Detroıttegi alkogol, temeki, atys qarýy jáne jarylǵysh zattar bıýrosynyń arnaıy agenti, órt qaýipsizdigi jónindegi tergeýshisi Djeıms Dare kúdiktiniń benzınmen shirkeýdi órtep jibergeni anyqtalǵanyn jetkizdi.
Aıta keteıik, AQSh-ta bar mańynda atys bolyp, úsh adam qaza tapty.