MIB tóraǵasyna qoıylatyn basty talaptar qandaı
NUR-SULTAN. QazAqparat – Nur-Sultan qalasynyń Ádilet departamenti Múlik ıeleriniń birlestigin (MIB) tirkeý týraly birneshe ótinishti keri qaıtarǵan, dep habarlaıdy QazAqparat tilshisi.
Elordanyń turǵyn úı jáne turǵyn úı ınspektsııasy basqarmasynyń basshysy Asylbek Esimbaev atalmysh jaıttardyń sebebin bylaı dep túsindirdi.
«MIB-ti tirkeý ótinishterin Ádilet organdary keri qaıtaryp jatqan faktiler de bar. Onyń birneshe sebebi bar. Zańdy tulǵanyń ataýy qaıtalanyp jatady. ıAǵnı, ótinish bergen kezde Ádilet departamentiniń tizbesinde osyndaı ataýmen basqa qalada MIB tirkelgeni týraly habar aqparat shyǵýy múmkin. Osy sebepten keri qaıtarylyp jatady», - dedi Asylbek Esimbaev.
Turǵyn úı ınspektsııasy basqarmasynyń basshysy, budan bólek, MIB tóraǵasy atqarý óndirisi boıynsha boryshker bolsa, tirkeýden bas tartylýy múmkin eknin aıtty. ıAǵnı, qaryzy bolǵan jaǵdaıda tirkeýden bas tartqan sátter bolady.
«Úshinshi jaǵdaı, eger MIB-tiń turǵyndar saılaǵan tóraǵasy jumys istemeı turǵan zańdy tulǵanyń basshysy nemese quryltaıshysy bolsa, tirkeýden bas tartylady. Túptep kelgende, MIB tóraǵalyǵyna usynylatyn adam jan-jaqty «taza» bolýy kerek. Tórtinshiden, páter ıeleriniń jıynynda jasalǵan hattamalar men daýys perý paraǵy mınıstrlik bekitken hattamalarǵa sáıkes bolmasa, tirkeýden bas tartylady. Mundaı jaǵdaılar qazir bizde kóp bolyp jatyr. Qazirdiń ózinde qol jınaý hattamalarynyń shynaıylyǵy boıynsha túsinbeýshilikter týyndap jatyr. Ádilet departamentin sotqa berip jatqandar da bar. Keıbir túsinbeýshilikter sotqa deıingi sharalarda sheshilip jatyr», - dedi Asylbek Esimbaev.
