MI-823 tikushaǵy eki kúnnen beri tabylmaı jatyr - Almaty oblysy
ASTANA. 26 qarasha. QazAqparat - Almaty oblysynda ekinshi kún MI-823 tikushaǵy izdestirilýde. Onyń ishinde ınjener, ushýdy baqylaýshy, ushqysh jáne bort mehanıginen quralǵan 8 adam bolǵan,
dep habarlaıdy BAQ.KZ.
Almaty oblystyq Tótenshe jaǵdaılar departamentiniń baspasóz hatshysy Janat Sembaevtyń aıtýynsha, tikushaq keshe tańerteń Alakól aýdanyndaǵy nómiri 11-shi alańynan aspanǵa kóterilgen. Sodan keıin baılanysqa shyqpaǵan. Janat Sembaev «EýroAzııaEır» AQ Jezqazǵan bólimshesine qarasty tikushaqty «Qazaqstan-Qytaı qubyry» JShS Atasý-Alashankoý munaı qubyryn áýeden baqylaý úshin jalǵa alǵanyn aıtady. Ázirge tikushaq tabylǵan joq. Qarańǵy túsip ketkendikten búginshe izdestirý toqtatylyp, erteń qaıta jalǵastyrý kózdelip otyr.
