«MI-26» tikushaǵymen qosymsha qutqarýshy mamandar men arnaıy tehnıka Astanaǵa jetkizildi
ASTANA. QazAqparat - Elimizde kóktemgi sý tasqynyna qarsy sharalar kúsheıtildi. Osyǵan oraı búgin «Qazavıaqutqarý» AQ-nyń eki MI-26 tikushaǵy Astanaǵa qonyp, Qaraǵandy, Soltústik Qazaqstan jáne Aqmola oblystarynyń qutqarý qyzmetine Almatydan qosymsha kúsh pen tehnıka jetkizdi. Bul týraly QR ІІM TJK «Qazavıaqutqarý» AQ baspasóz qyzmetinen habarlady.
«Maqsat - sý tasqyny kezinde elimizdiń soltústik jáne ońtústik óńirlerindegi qutqarý toptaryn kúsheıtý», - deıdi mamandar.
Áýe kemeleri 19 qutqarýshy, eki apattyq-qutqarý avtomobıli men júzý quraldaryn jetkizgen. Eń úlken MI-26 tikushaǵynyń bireýi jolda Qaraǵandy qalasynda qalǵan.
Aqmola, Qaraǵandy jáne Soltústik Qazaqstan oblystarynda aýa raıynyń jylynýyna baılanysty jalpy sany 1473 adam, 205 birlik tehnıka, 53 birlik júzý quralynan qurylǵan QR ІІM TJ komıtetiniń kúshteri atalǵan aımaqtarǵa jiberilgen.
