MHQKO: Almatyda 15 myńǵa jýyq azamat jeke menedjerge júgingen
ALMATY. KAZINFORM — Almaty qalasyndaǵy mamandandyrylǵan halyqqa qyzmet kórsetý ortalyqtarynda jeke menedjer qyzmetin qoldanatyndar kóbeıgen.
Jyl basynan beri bul qyzmet túrin paıdalanýǵa 15 myńǵa jýyq qala turǵyny júgingen. Bul týraly «Azamattarǵa arnalǵan úkimet» memlekettik korporatsııasynyń Almaty qalasy boıynsha fılıaly habarlady.
— Jeke menedjer qyzmeti — azamattarǵa memlekettik qyzmetterdi basymdyqpen jáne jedel alý múmkindigin usynatyn tıimdi servıs. Ol barlyq rásimdeý kezeńinde jeke súıemeldeý kórsetip, qujattardy jınaý men tapsyrý protsesin tolyqtaı jeńildetedi, — dep túsindirdi memlekettik korporatsııa fılıaly.
Menedjerge júginý úshin azamattar MHQKO-nyń qabyldaý bólimine ótinish bildirýi qajet. Mamandar kelýshilerdi kezekten tys qabyldap, kólik quraldaryn tirkeý, qaıta tirkeý, esepke qoıý jáne esepten shyǵarý, sondaı-aq memlekettik tirkeý nómirlik belgilerin alý boıynsha qujattardy rásimdeýge kómektesedi.
— Jeke menedjer qyzmet alýshymen kelisimshart jasasyp, qajetti qujattardy rásimdeıdi jáne olardy ýákiletti memlekettik organǵa belgilengen tártippen joldaıdy. Qyzmet quny — 6306 teńge, — dep habarlady Almaty fılıaly.
Qazirgi tańda jeke menedjerler Almaty qalasyndaǵy barlyq mamandandyrylǵan halyqqa qyzmet kórsetý ortalyqtarynda jumys isteıdi.
Eske salaıyq, 1 sáýirden bastap birqatar óńirde kezekshi HQKO-lardyń mekenjaıy ózgerdi.
