Mezgilsiz ómirden ozǵan Gúlmıra Kárimovanyń ornyna jańa senator saılaý qashan ótedi

ASTANA. QazAqparat – Ortalyq saılaý komıssııasy tóraǵasynyń orynbasary Konstantın Petrov mezgilsiz ómirden ozǵan senator Gúlmıra Kárimovanyń týǵan-týystary men jaqyndaryna kóńil aıtty. Sonymen qatar onyń ornyna jańadan senator saılaý rásimi qalaı ótetindigin túsindirdi, dep habarlaıdy QazAqparat tilshisi.

«Qaza bolýyna baılanysty Senat depýtatynyń ókilettigi toqtaǵannan keıin Ortalyq saılaý komıssııasy 2 aıdyń ishinde shyǵyp qalǵan depýtattyń ornyna óńirde saılaý ótkizýi tıis. Máslıhattyń taratylyp, tańdaýshylardyń bolmaýyna baılanysty saılaýdyń ózin taǵaıyndaý máslıhattardyń jańa quramy saılanǵannan keıin ǵana múmkin bolady. ıAǵnı, 19 naýryzdan keıin ǵana. Bul 2 aıdyń ishinde saılaýdyń taǵaıyndalýy qajettigi týraly zań normasyna qaıshy kelmeıdi», - dedi Konstantın Petrov búgin OSK otyrysynan keıin BAQ ókilderiniń saýalyna oraı.

Esterińizge sala ketsek, búgin túnde jańadan saılanǵan senator Gúlmıra Kárimova 46 jasqa qaraǵan shaǵynda kenetten qaıtys boldy. Oǵan aldyn ala «anafılaksııalyq shok» degen dıagnoz qoıylǵan.