Mezgilsiz qaza tapqan shekarashylarǵa jánibektik aqyn jyr joldaryn arnady - BQO

Eldiń qabyrǵasyn qaıystyrǵan osy qaıǵyly oqıǵaǵa oraı Jánibek aýdanynda turatyn jas aqyn Nurtaı Ǵappar mynadaı jyr joldaryn joldady.

27!

Beıbit kógimniń qyrany,

Bıik kóńildiń shýaǵy,

Ójettiliktiń sımvoly,

Batyrlar bizden týady.

Aıqara ashyp tósimdi,

Qarsy alǵam beıbit keshimdi,

Tátti tańnyń araıymen

Túnniń kúrmeýi sheshildi.

Jumysymyzǵa úlgerip,

Jarymyzǵa da gúl berip

Júrgende,

...Kirpik ilmegen,

Batyrlar narqyn bilmedik.

Ne boldy, sirá, rasynda,

Kúńgirt oı shyqty asýǵa.

Bultsyz kúngi aspanda

Oınaıdy eken-aý jasyn da.

Qyran qanaty qaıyrylyp,

Qapııada aıyrylyp,

27-niń esimin

Kókirekke juttyq qaıǵy qyp.

Otan dep ótken erlerim,

Aıyrylý - qaıran elge muń.

Kók aspan jaspen shúpildep,

Joǵaltty búgin órnegin.

Qaıratpen namys ushtaǵan,

Órlikke ǵana nusqaǵan,

Elime jaýlar kirer dep,

Qarýyn myǵym ustaǵan.

«Tún uıqysyn tórt bólgen»,

Namys dese órtengen.

Qaq aıyrylyp ór keýdem,

Aıyryldym ba serkemnen.

Jaýlarym ba bilmegen,

Opasyz bar ma kúndegen!

Syrt kózder qaqpan qurdy ma,

Jymysqy oımen tildegen?

Eńkeıip týym túsken kún,

Mereıi jaýdyń ósken kún.

Batyrlarym mert bolyp,

Basymnan baǵym kóshken kún.

Tabanynan syz ótken,

Tynyshtyǵymdy kúzetken

Arystandarymnyń esimin,

Alamyz eske izetpen.

Anamnyń alyp qorǵany,

Balamnyń alyp qorǵany.

Shekara sarbazdary,

Has batyr - halyq ardaǵy.

Quldılap ap bir demde,

Shanshyldy ushaq irgemde.

Jańǵyryǵy da shermende,

Jaryqshaǵy da keýdemde.

Jıyrma jetimnen aıyryldym,

Jıyrma jetide qaıǵyrdym.

Azaly júrek ishinde

Qalasyń máńgi aıbynym!