Meıvezerdiń jeńisine sengen býkmeker 320 mln dollar tikti
ASTANA. QazAqparat - Sonymen sońǵy aılardyń eń jıi talqylanǵan taqyryptarynyń biri - boksshy Floıd Meıvezer men MMA sheberi Konor MakGregordyń aıqasyn «Habar» arnasy erteń, ıaǵnı 27 tamyz kúni tańǵy saǵat 8:00-de Las-Vegastan tikeleı efırde kórsetedi. Taqyrypqa tuzdyq retinde CNN aqparat kózi MakGregordyń aıqas aldyndaǵy málimdemesin jarııalady, dep habarlaıdy «QazAqparat» HAA tilshisi.
CNN taratqan málimetterge súıensek, Amerıkadaǵy býkmekerlik keńselerdiń biri boksshy Meıvezerdiń jeńisine sengeni sonshalyq, oǵan 320 000 AQSh dollaryn tigip qoıǵan. Aıqastyń boks erejeleri boıynsha ótetinin eskersek, MMA sheberiniń jeńiske jete qoıatynyna kópshilik sene qoımaıtyn sekildi. Biraq bul kúdikke MakGregor pysqyratyn emes.
«Men jaýyngerlik sıpattaǵy dodalardyń birneshe dúrkin chempıonymyn. Ózim aıaýshylyqty bilmeıtin sporttyń túrinen kelip otyrmyn. Men bul isti bilmek túgili, tolyqtaı ıgerip qoıǵanmyn. Adamdar aýzyna kelgenin aıta bersin, biraq jańa patshasy bar boks budan da aıbyndy bola túsedi!» - deıdi MakGregor.
Eske sala ketsek, bokstan 12 dúrkin álem chempıony amerıkandyq kishi Floıd Meıvezer men jeńil salmaqtaǵy UFC chempıony ırlandyq Konor MakGregor 69,8 keli salmaqta aǵylshyn boksy stılinde kezdesý ótkizbek.
