Meıvezerdiń Qazaqstanǵa kelý máselesi ashyq kúıinde qalyp otyr
ASTANA. QazAqparat - Qazaqstan kásipqoı boks federatsııasynyń prezıdenti Erlan Bekhojın Sports.kz saıtyna tanymal amerıkalyq boksshy Floıd Meıvezerdiń Qazaqstanǵa kelý múmkindigi jaıly pikir bidirdi.
«WBC basshylyǵy bizge osy jazda Astanaǵa kele alatyn boksshylardyń úlken tizimin berdi. Onyń ishinde ańyzǵa aınalǵan Mennı Pakıao, kishi Floıd Meıvezer, Roberto Dıýran, Shýgar Reı Leonard, Maık Taıson, Lennoks Lıýıs, Evander Holıfıld jáne ózge de tanymal boksshylardyń esimi bar. Biraq, WBC ókilderi ár chempıonmen jeke sóılesetinderin, olardyń jaǵdaıy men sapar kestesin eskeretinderin atap ótti», - dedi Bekhojın.
Onyń aıtýynsha, Mennı Pakıao nemese Floıd Meıvezerdiń attary atalsa, demek olar kele alady.
«Bul endi olarmen egjeı-tegjeıli sóılesetin WBC basshylyǵynyń jumysy jáne Búkilálemdik boks keńesiniń Konventsııasy jumysynyń basynda Qazaqstanǵa qandaı boks juldyzdarynyń keletini bizge naqty túsinikti bolady», - dep atap ótti Bekhojın.
