Meıvezer Pakıaonyń qarymta qaıtarýyna kelisimin berdi
ASTANA. QazAqparat - Amerıkandyq boksshy Floıd Meıýezer fılıppındik Mennı Pakıaonyń qarymta qaıtarýyna kelisimin berdi. Bul týraly Lenta.ru New York Daily News basylymyna silteme jasap habarlady.
Basylymnyń málimetine qaraǵanda, Meıýezer fılıppındik boksshy 2 mamyrdaǵy Las-Vegasta ótken jekpe-jekke daıarlyq kezinde ıyǵynan alǵan jaraqaty jazylǵansha kúte turýǵa ázir. Pakıaoǵa taıaýdaǵy ýaqtytta ota jasalady. Odan keıin saýyǵýyna 9-12 aıdaı ýaqyt qajet. Floıd pen Mennı arasyndaǵy saıys 2016 jylǵy mamyr nemese qyrkúıek aıynda ótýi múmkin.
Pakıao jaraqaty jaıynda Floıdpen jekpe-jekke deıin bilgen, biraq ta Nevada shtatynyń Altlet komıssııasy úshin saýalnamada óziniń densaýlyq jaǵdaıyn jasyrǵan. Osy úshin fılıppındikke aıyppul túrinde jaza qoldanylýy nemese ony biliktiliginen aıyrýy múmkin.
Budan buryn 38 jastaǵy kishi-Meıýezer osy jylǵy qyrkúıek aıynda óziniń sońǵy urysyn ótkizip, sodan keıin 66,68 kelige deıingi salmaq sanatyndaǵy barlyq chempıondyq belbeýlerinen (WBA, WBO, WBC) bas tartatyny jóninde málimdegen bolatyn.
12 raýndtyq jekpe-jek senbi kúni, 2 mamyrda Las-Vegasta ótip, upaı sanymen tóreshilerdiń biraýyzdan sheshimimen amerıkandyqtyń jeńisimen aıaqtalǵan bolatyn. Sportshylardyń syıaqysy boks tarıhyndaǵy eń iri boldy: Meıýezer 180 mıllıon dollar, Pakıao - 120 mıllıon dollar aldy.
