Meıvezer Pakıaomen qarymta kezdesýge bergen kelisiminen aınyp qaldy
ASTANA. QazAqparat - Amerıkalyq boksshy Floıd Meıvezer fılıppındik Mennı Pakıaomen qarymta aıqas ótkizýge ázirge múddeli emestigin málimdedi. Ol óziniń burynǵy qarsylasyn sý júrekke balady, dep jazady Bı-bı-sı.
«Iá, men budan buryn qarymta aıqasqa daıyn ekenimdi aıtqanmyn. Qazir ol oıymnan aınydym. Sebebi ol joly bolmaǵan sý júrek. Eger jeńilseń, ony moıyndap: «Meıvezer, sen myqty boksshysyń» dep aıtýy kerek edi», - dedi sportshy amerıkalyq Showtime arnasyna bergen suhbatynda.
Budan buryn habarlanǵandaı, Pakıao aıqas aldynda ıyǵynan jaraqat alǵany jaıly aqparatty jasyryp qalǵan. Bul úshin ol bir jyldan tórt jylǵa deıin túrmege qamalýy jáne jarysqa qatysý quqyǵynan aıyrylýy múmkin.
2 mamyrda Las-Vegasta Floıd kishi Meıvezer Mennı Pakıaony 12 raýndta upaı sany boıynsha jeńgen bolatyn.
