Meıvezer-Pakıao jekpe-jegi: Boks tarıhynda alǵash ret ólshenýge bıletter satylmaq
ASTANA. QazAqparat - Amerıkandyq kishi Floıd Meıvezer men Fılıppın boksshysy Mennı Pakıao arasyndaǵy jekpe-jekti uıymdastyrýshylar boks tarıhynda alǵash ret ólshenýge bıletterdi satady, dep jazady Eurosport.
World Boxing News habarlaýynsha, sportshylardyń ólshenýin kórýge ruqsat beretin qaǵazdy jekpe-jekke bıletteri bar adamdar ǵana alady. Ruqsatnamanyń baǵasy 10 dollardy quraıdy. Bıletterdi satýdan túsken qarajat promoýter nemese boksshylardyń qaltasyna emes, sportshylardyń ózderi tańdaıtyn qaıyrymdylyq aktsııasyna jumsalmaq.
Esterińizge sala keteıik, 12 raýndtan turatyn jekpe-jek 2 mamyr kúni Las-Vegas qalasyndaǵy MGM Grand qonaqúıiniń arenasynda ótedi. Qatysýshylar Búkilálemdik boks qaýymdastyǵy (WBA), Búkilálemdik boks keńesi (WBC) jáne Búkilálemdik boks uıymy (WBO) nusqalary 66,68 kelige deıingi salmaq dárejesinde álem chempıonynyń úsh ataǵyn ıelený úshin baq talastyrady. Soltústikamerıkalyq basylymdardyń málimetterinshe, aıqas qorytyndysy boıynsha Meıvezer 150 mıllıonǵa jýyq dollar, al Pakıao 100 mıllıonnan astam dollar alady, dep jazady Vesti.kz.
