Meıvezer men Pakıaonyń jekpe-jegine satylatyn VIP-bıletteriniń quny 65 myń dollardy quraıdy
ASTANA. QazAqparat - Amerıkalyq boksshy kishi Floıd Meıvezer men fılıppındik Mennı Pakıao arasynda bolatyn jekpe-jekke satylatyn VIP-bıletteriniń quny 65 myń dollardy quraıdy, dep habarlaıdy Allboxing.ru.
«Ázirge kezdesýge resmı túrde bılet satý bastala qoıǵan joq, degenmen osynaý boks tarıhyndaǵy asa erekshe de mańyzdy oqıǵa bolǵaly turǵan jekpe-jekti óz kózderimen kórýge nıettengender arasynda qyzý talas-tartys ta bastalǵan syńaıly. Buryndary VIP-bıletteri túrli juldyzdarǵa tegin taratylatyn. Biraq bul jekpe-jekke qanshama ataqty jan bolǵanmen tegin kire alaıdy. Aqparatqa qaraǵanda, bir VIP-bılettiń quny 65 myń dollar shamasynda»,-delingen habarlamada.
Eske sala ketsek, álemdegi reıtıngi eń joǵary eki boksshynyń arasyndaǵy jekpe-jek 2 mamyrda MGM Grand-ta ótedi, dep jazady Vesti.kz.
