Meıvezer Makgregormen aıqasqany úshin 100 mln dollar alady
ASTANA. QazAqparat - Nevada shtatynyń atletıkalyq komıssııasy amerıkalyq boksshy Floıd Meıvezer men ırlandııalyq boksshy Konor Makgregordyń Las-Vegastaǵy aıqas úshin tólenetin aqynyń kólemin jarııalady. Bul jaıly TASS agenttigi habarlady.
40 jastaǵy Meıvezer men 29 jasar MakGregor arasyndaǵy 69,8 kg deıingi salmaq dárejesindegi boks erejesi boıynsha 12 raýndtan turatyn jekpe-jek 27 tamyz kúni Las-Vegastaǵy «Tı-Mobaıl» arenasynda ótedi.
Meıvezerdiń resmı syıaqy kólemi 100 mln dollardy quraıdy, al Makgregordiki - 30 mln dollar. Bul soma kepildendirilgen. Sportshylar ony jekpe-jek nátıjesi qalaı aıaqtalatyndyǵyna qaramastan ala alady.
