Meıvezer - Makgregor aıqasyn elimizde tikeleı qaı arna kórsetetini belgili boldy
ASTANA. QazAqparat - Meıvezer - Makgregor jekpe-jegin elimizdiń «Habar» arnasy tikeleı efırde kórsetetin boldy, dep habarlaıdy QazAqparat telearnanyń saıtyna silteme jasap.
Bokstan 12 dúrkin Álem chempıony amerıkandyq Kishi Floıd Meıvezer jáne jeńil salmaqtaǵy UFC chempıony ırlandyq Konor MakGregor judyryq túıistiretinin osyǵan deıin habarlaǵan bolatynbyz. Eki myqty arasyndaǵy aıqasty qazaqstandyqtar «Habar» arnasynan tikeleı efır arqyly tamashalaı alady.
Tartys aǵylshyn boksynyń erejelerimen 69,8 kg-ǵa deıin salmaq dárejesinde júrgiziledi. Ol 27 tamyz kúni tańǵy saǵat 8:00-de Las-Vegastan tikeleı kórsetiledi.
«Boks tarıhyndaǵy eń tabysty kezdesýdi ótkizip almańyzdar. 27 tamyz 2017. (jeksenbi) 08:00 - 11:30. Boks. Floıd Meıvezer - Konor MakGregor. Las-Vegastan tikeleı kórsetilim», - dep jazylǵan «Habar» arnasynyń saıtynda.
